Նիկշա Բավցևիչը հրապարակել է բասկետբոլի ազգային հավաքականի կազմը

Սպորտ 9 Հունիս, 2018 1:54

Հայաստանի ազգային հավաքականի գլխավոր մարզիչ Նիկշա Բավցևիչը հրապարակել է այն բասկետբոլիստների անունները, որոնք հրավեր են ստացել նախապատրաստվելու հունիսի 28-ին Դանիայում կայանալիք Եվրոպայի առաջնության նախընտրական փուլի հանդիպմանը: Այս մասին տեղեկացնում է Հայաստանի բասկետբոլի ֆեդերացիայի մամուլի ծառայությունը:

ԵԱ-2021-ի նախընտրական փուլի վերջին խաղում՝ Հայաստանի ազգային հավաքականը հունիսի 28-ին Կոպենհագենում կհյուրընկալվի Դանիայի ազգային հավաքականին:

Հայաստանի հավաքականի ընդլայնված կազմը.

Պաշտպաններ ՝
1. Արագադ Աբրամյան – «Ուրարտու»
2. Անդրե Սփայթ Մկրտչյան - «Նորթերն Կոլորադո», ԱՄՆ
3. Ալլան Հեսս – «Բազել Ստարվինգս» Շվեցարիա
4. Քրիստոֆեր Ջոնս - «Մոնս», Բելգիա
5. Քորի Սիլվերսթրոմ Ազադիգյան - «Չիկո Սթեյթ», ԱՄՆ
6. Սևակ Կետենջյան - «Հոմմենթմեն», Լիբանան
Հարձակվողներ ՝
7. Արտյոմ Թավակալյան– «Դելեվր Սթեյթ», ԱՄՆ
8. Ալբերտ Թադևոսյան – «Արցախ»
9. Արկադի Մկրտիչյան – «Այդահո Վանդալս», ԱՄՆ
10. Դավիթ Խաչատրյան - «Գրանդ սպորտ»
11. Անդրանիկ Չրաբաշ – «Օկապի Աալսթար», Բելգիա
12. Տոդդ Օ՛Բրեյն - «Ալ Գարաֆա», Քաթար
13. Զաքարի Թավիթյան – «Վեսթերն նյու Ինգլանդ», ԱՄՆ
Կենտրոնականներ ՝
14. Լուկաս Ֆիշեր – «Գրան Կանարիա», Իսպանիա
15. Ստիվեն Էնոք - «Լուիսվիլ», ԱՄՆ
16. Արման Հակոբյան - «Արթիկ»
Քրիստոֆեր Ջոնսը, Տոդդ Օ՛Բրեյնը և Ստիվեն Էնոքը համարվում են նատուրալիզացված խաղացողներ և նրանցից միայն մեկը կարող է ընդգրկվել հավաքականի վերջնական կազմում:
Հավաքականին վնասվածքի պատճառով չի կարողացել միանալ Անդրեյ Կոնստանտինովը: Կարեն Չիվիչյանը չի միացել հավաքականին անձնական պատճառով: Հայաստանի հավաքականը նախընտրական փուլի Դանիա- Հայաստան խաղին կսկսի նախապատրասվել հունիսի 15-ից` հանգրվանելով Դավթաշենում գտնվող «Օլիմպավանում»: Հունիսի 20-ին մեր ընտրանին կմեկնի Բեյրութ, որտեղ հունիսի 21-24-ը կմասնակցի միջազգային մրցաշարի: Միջազգային մրցաշարում Հայաստանի հավաքականը ուժերը կչափի Լիբանանի, Քաթարի և Եգիպտոսի հավաքականների հետ: Հունիսի 26-ին Հայաստանի հավաքականը կմեկնի Կոպենհագեն, որտեղ հունիսի 28-ին, ժամը ՝ 18:00-ին (Երևանի ժամանակով ՝ 20:00) Եվրո-2021-ի նախընտրական փուլի վերջին խաղում կհյուրընկալվի Դանիայի ազգային հավաքականին: