Մեսսին իր ռեստորան հատուկ ընթրիքի է հրավիրել Արգենտինայի ամբողջ թիմին (լուսանկարներ)
Սպորտ
Արգենտինայի ազգային թիմի ավագ Լիոնել Մեսսին հատուկ ընթրիքի է հրավիրել ազգային ընտրանու ամբողջ կազմին:
Աշխարհի առաջնության մեկնարկից առաջ Արգենտինայի հավաքականը նախապատրաստվում է Բարսելոնայում: Նախօրեին Մեսսին իրեն պատկանող Bellavista del Jardín del Norte ռեստորանում ընթրիքի է հրավիրել ամբողջ թիմին և մարզչական կազմին` այդ կերպ դրական տրամադրելով Մունդիալի մեկնարկից առաջ:
Արգենտինայի հավաքականը ԱԱ-ում հայտնվել է D խմբում և կմրցի Իսլանդիայի, Խորվաթիայի և Նիգերիայի հետ:
«Մունդիալ-2018»-ը կընդունի Ռուսաստանը: Աշխարհի առաջնության խաղերը հյուրընկալող բոլոր 12 քաղաքներում կանցկացվեն տոնական միջոցառումներ: Առաջնությունը կմեկնարկի հունիսի 14-ին, իսկ եզրափակիչ հանդիպումը կկայանա հուլիսի 15-ին:
Լուսանկարները` sport.es-ի:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
