Աշխարհի առաջնություն. օրվա խաղերը

Ֆուտբոլի աշխարհի առաջնության խմբային փուլի վերջին տուրում այսօր տեղի կունենան C, D խմբերի  հանդիպումները:

C խմբում ժամը 18:00-ին կմրցեն Ավստրալիայի և Պերուի ընտրանիները, ինչպես նաև Դանիայի և  Ֆրանսիայի հավաքականները:

Երկու տուրերից հետո այս խմբի առաջատարը Ֆրանսիայի թիմն է՝ 6 միավորով: 4 միավոր ունի Դանիան, իսկ 1 միավոր՝ Ավստրալիան: Պերուն  միավոր չունի:

 D խմբում Արգենտինան ուժերը կչափի Նիգերիայի հետ, Խորվաթիան` Իսլանդիայի հետ: Հանդիպումները կմեկնարկեն 22:00-ին:

D խմբի միանձնյա առաջատարը Խորվաթիան է, որն ունի 6 միավոր: 3 միավոր ունի Նիգերիան: 1-ական միավոր ունեն Իսլանդիան և Արգենտինան: