Թիվ 114 մանկապարտեզի մոտ աղբամանի շուրջ թափված սնդիկ է հայտնաբերվել
Հայաստան
«911» ծառայությունն այսօր՝ հունիսի 26-ին ահազանգ է ստացել, որ Երեւանի Շոպրոնի փողոցի 2-րդ նրբանցքում՝ մանկապարտեզի մոտակայքում գտնվող «Սանիթեք» ՍՊԸ-ին պատկանող աղբամանների շուրջը մեծ քանակությամբ սնդիկ է թափված. անհրաժեշտ է օգնություն: Այս մասին տեղեկանում ենք ՀՀ ԱԻՆ մամուլի ծառայությունից:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Շոպրոնի փողոցի 2-րդ նրբանցքի թիվ 114 մանկապարտեզի մոտակայքում մեծ քանակությամբ սնդիկ է թափված:
Փրկարարները սահմանազատել են տարածքը. տեղում համապատասխան աշխատանքներ են իրականացրել Բնակչության պաշտպանության եւ աղետների հետևանքների վերացման կազմակերպման վարչության Ճառագայթաքիմիական եւ կենսաբանական մոնիթորինգի իրականացման բաժնի աշխատակիցները:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
