Եգիպտական Մեծ սֆինքսի գաղտնիքը

Պատմությունը բազմաթիվ հանելուկներ ու խորհրդավոր գաղտնիքներ է թաքցնում: Եգիպտական Մեծ սֆինքսն էլ իր յուրօրինակ գաղտնիքներն ունի: Դրա համամասնությունները շատ տարօրինակ են: Սֆինքսի գլուխը, համեմատած դրա մարմնի հետ, չափազանց փոքր է: Ինչո՞ւ: Ընդունված է համարել, որ Սֆինքսը խորհրդանշում է պառկած առյուծի:

Իսկ ինչո՞վ է պայմանավորված չափերի անհամապատասխանությունը: Ի սկզբանե Սֆինքսն ամբողջովին այլ գլուխ է ունեցել, որը շատ ավելի մեծ է եղել: Դրա չափերն ավելի ուշ են փոքրացրել: Եվ արդյոք այդ գլուխն ի սկզբանե մարդկայի՞ն է եղել, թե՞ առյուծի․ չէ՞ որ եգիպտական բոլոր սֆինքսները հստակ արտահայտված, ճշգրիտ կառուցվածք ունեն:

Տեսություններից մեկը հաստատում է, որ ի սկզբանե այն առյուծի գլուխ է ունեցել, սակայն ավելի ուշ դրանից մարդու՝ փարավոնի գլուխ են կերտել: Սակայն նաև հնարավոր է, որ մարդկային գլուխը նախատեսված է եղել ի սկզբանե, և առյուծի գլուխ երբեք էլ չի եղել․ չէ՞ որ առյուծներն ուղիղ մեջք չեն ունենում, սակայն նմաատիպ մեջք ունենում են շնագայլերը: Հետևաբար, համաձայն հաջորդ տեսության, սֆինքսը շնագայլի կերպար է: Շնագայլն էլ, ամենայն հավանականությամբ, Հին Եգիպտոսի Անուբիս աստվածությունն էր, ով մահացածներին հանդերձյալ կյանք էր ուղեկցում:

Այս ամենից բացի՝ կա՞ն արդյոք այլ կենդանիներ, որոնք համապատասխանում են Սֆինքսի համամասնություններին: Այո, և այդ կենդանիները հնում պահվել են միայն փարավոնների պալատներում: Հենց այդ կենդանիներն են, որոնք փոքր գլուխ, ուղիղ մեջք ու երկար թաթեր ունեն:

Այդ կենդանիները վագրակատուներն էին: Առավել հավանական տեսությունն այն է, որ ոչ մի առյուծ էլ չի եղել: Եվ բոլոր համամասնություններն ի սկզբանե ճշգրիտ են եղել:

Գիզայի Մեծ սֆինքսը գտնվում է Նեղոս գետի ձախ ափին ու նայում է դեպի արևելք: Կառուցման հստակ տարեթիվն անհայտ է, սակայն ենթադրվում է, որ դրա դեմքը նմանեցված է մ.թ.ա. 2558-2535 թթ. կառավարած Քեֆրեն փարավոնին: Արձանի ընդհանուր երկարությունը 60 մ է, բարձրությունը՝ 20 մ: Գլուխը գագաթից մինչև կզակը 9 մ է կազմում: