ՍԴ-ն տևական ժամանակ է աշխատում է ոչ լիարժեք կազմով. «Հրապարակ»
Հայկական Մամուլ
Տեւական ժամանակ է՝ 9 հոգանոց Սահմանադրական դատարանն աշխատում է 7 հոգով՝ ոչ լիարժեք կազմով․ ԱԺ-ն ոչ մի կերպ չի կարողանում ընտրել ՍԴ անդամ: Մեր աղբյուրների տեղեկացմամբ՝ այս վիճակը երկար կշարունակվի ոչ միայն այն պատճառով, որ խորհրդարանն այլեւս արձակուրդում է, այլեւ այն, որ, ԱԺ-ում ուժերի հարաբերակցությամբ եւ քաղաքական իրավիճակով պայմանավորված, աշնանը եւս հնարավոր է ներկայացված թեկնածուն անհրաժեշտ քվեներ չստանա։
ՍԴ-ն 7 հոգով բնականոն աշխատո՞ւմ է․ ՍԴ աշխատակազմի ղեկավար Վլադիմիր Վարդանյանն ասաց,որ քվորումի խնդիր չունեն, աշխատանքները նորմալ ընթանում են։
Տեսակետ կա, որ ՍԴ 2 անդամների ընտրությունը կերկարի, ի՞նչ եք անելու,- «Երկարաձգման գործընթացը ՍԴ աշխատանքների հետ որեւէ կապ չունի․ արտառոց բան չկա այդտեղ, համաշխարհային պրակտիկայում նման դեպքեր շատ են պատահում։ Նախագահ Արմեն Սարգսյանը ՍԴ դատավորի առաջադրման ժամկետների հարցով դիմել էր ՍԴ։ Դիմումը ստացել ենք, դատական նիստը, սակայն, դեռ չի նշանակվել, գործը գտնվում է նախնական ուսումնասիրության փուլում»,- նշեց Վլադիմիր Վարդանյանը:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
