Անապահով երեխաներին անվճար դասագրքերով ապահովելը ՄԻՊ-ի ուշադրության կենտրոնում է

Այսօր Մարդու իրավունքների պաշտպան Արման Թաթոյանը 2017թ․-ի տարեկան զեկույցը ներկայացնելիս անդրադարձավ նաև երեխաների իրավուքների պաշտպանությանը։ Այս բնագավառում շեշտը հատկապես դրեց դպրոցներում անվճար դասագրքերը ճիշտ հասցեատերերին հանձնելու վրա։

«Սահմանադրական դատարանի որոշմամբ, պետությանը տրվեցին մի շարք հանձնարարականներ, որ պետք է մշակվեն թափանցիկ ընթացակարգեր, հատկապես սոցիալապես անպահով և կարիք ունեցող ընտանիքների երեխաներին դասագրքերը տրվեն անվճար։ Այսօր ընդհանրապես պարզ չէ, թե դա ի՞նչ չափանիշով է որոշվում, ովքե՞ր են որոշում, գուցե կրթության  նախարարի հրամանով ծնողական խորհուրդների՞ն է վերապահվա՛ծ, որը, կարծում եմ, անթույլատրելի է։ Մենք ունենք դեպքեր, բողոքներ, երբ ծնողներն ամաչում են այդ հարցը բաձրացնել, որովհետև երեխան կարող է խարանի ենթարկվել․ դասարանում կիմանան, որ երեխան կարիքավոր է: Ծնողը չի կարողանում հոգալ անգամ դասագրքի հոգսը։ Որոշ գործընկերներ հակափաստարկներ են բերում՝ ասելով, որ այդ դեպքում թող անվճար լինի նաև պայուսակը, կոշիկները․ սա ծայահեղ մոտեցում է»,-ասաց Արման Թաթոյանը։

Ըստ նրա, եթե երեխան կոշիկ չունի՝ ինչ-որ կերպ կարող է հասնել դպրոց, պայուսակի փոխարեն կարող է դասագիրքը ձեռքին բռնած տանել, բայց եթե դասագիրք չունեցավ՝ այդ հանգամանքը  կազդի որակյալ կրթության վրա։

ՄԻՊ-ն այդ հարցն ամփոփեց, ասելով, որ հանդիպել է Կրթության և գիտության նախարարի հետ, խոսել են այս մասին, բայց կրկին են հանդիպելու և ընթացք են տալու խնդրի լուծմանը։