Բասկետբոլի հավաքականը մարզվել է Կոպենհագենում

Բասկետբոլի Հայաստանի հավաքականը մարզվել է Կոպենհագենում՝ պատրատվելով Դանիայի հետ առաջիկա խաղին:

Այս մասին  տեղեկացրին ֆեդերացիայից: Կոպենհագենում գտնվող Հայաստանի ազգային հավաքականը հերթական մարզումն անցկացրեց «Բալերուպ» մարզադահլիճում, որտեղ հունիսի 28-ին Եվրո-2021-ի նախընտրական փուլի շրջանակներում հյուրընկալվելու է Դանիայի հավաքականին: Նիկշա Բավցևիչի գլխավորությամբ մարզմանը մասնակցեցին 11 խաղացողներ, ովքեր լինելու են Հայաստանի հավաքականի հայտացուցակում:

«Բալերուպ» մարզադահլիճն ունի 4000 նստատեղ, և սպասվում է, որ վաղը լինելու է լեփ-լեցուն:

Հանդիպումը կայանալու է հունիսի 28-ին՝ Երևանի ժամանակով 20:00-ին, և հեռարձակվելու է Դանիական TV2 հեռուստաընկերության ուղիղ եթերում: