Ազատամարտիկներին հեռացնում են իրենց անհոսանք և անգազ տներից. եկել էին կառավարություն՝ բողոքելու

Ինչպես տեղեկացրել ենք ՀՀ կառավարության շենքի բակում այսօր կրքերը եռում էին. մարդկանց տարբեր խմբեր հավաքվել էին բարձրաձյանելու իրենց խնդիրների մասին: Այնտեղ էին նաև  մի խումբ ազատամրտիկներ, ովքեր անտուն մնալու փաստի առաջ են կանգնել:

Նրանք ապրում են կենցաղային անմխիթար պայմաններում, բայց դրանից էլ կարող են զրկվել:

«Արդեն երկու ամիս է՝ ապրում ենք մթության մեջ, հրահանգել են մեր բնակարանները հոսանաքազրկել: Մուրացան 110 հասցեում, որտեղ ապրում ենք, ՊՆ-ի նախկին ռազմաբժշկական շենքն է: Այն լքված էր և մենք բնակեցրինք: Մեզ հետ են նաև մեր ընտանիքները»,-ԼՈւՐԵՐ.com-ի թղթակցի հետ զրույցում պատմեց ազատամարտիկներից մեկը:

Ըստ նրանց՝ օրենքով պետությունն իրենց պետք է տրամադրի բնակարաններ, մինչդեռ հակառակն է՝ իրենց ունեցածից էլ են ուզում զրկել: