23-ամյա ֆուտբոլիստը դադարեցրեց ելույթները Իրանի հավաքականում

Իրանի հավաքականի հարձակվող Սերդար Ասմունը Ռուսաստանում ընթացող աշխարհի առաջնությունում ելույթներն ավարտելուց հետո հայտարարեց հավաքականից հեռանալու մասին:

«Երկրի հավաքականում խաղալը մեծ պատիվ էր ինձ համար: Ցավոք, որոշում եմ կայացրել հրաժեշտ տալ հավաքականին: Միգուցե սա կյանքիս ամենաբարդ որոշումներից է, քանի որ երիտասարդ խաղացողի համար ազգային հավաքականում հայտնվելը հեշտ չէ»,-ինստագրամում գրել է 23-ամյա ֆուտբոլիստը:

Իրանի հավաքականը B խմբում զբաղեցրել է երրորդ տեղը և դուրս մնացել Մունդիալի հետագա պայքարից:

Լուսանկարը` championat-ի