Քրեական և վարչական պատասխանատվության կենթարկվի բռնություն գործադրող յուրաքանչյուր անձ

Ոստիկանության քրեական հետախուզության գլխավոր բաժնում ստեղծվել է  առաձնացված ստորաբաժանում՝ «Ընտանիքում բռնության կանխարգելման» բաժինը, որի աշխատակիցների 40 տոկոսը կանայք են: Այս մասին լրագրողների հետ հանդիպմանն ասաց Ոստիկանության քրեական հետախուզության  գլխավոր վարչության երրորդ վարչության պետ Նելլի Դուրյանը:

 Նա անդրադարձավ ոստիկանության գործառույթներին,  որոնք վերապահված են «Ընտանիքում բռնության կան խարգելման, ընտանեկան բռնության ենթարկված անձանց պաշտպանության և ընտանիքում համերաշխության վերականգնման մասին» օրենքին, որը ուժի մեջ կմտնի երկու օրից` հունիսի 30-ից:

Ոստիկանության վերոնշյալ ստորաբաժանումը վերապատրաստման աշխատանքներ է իրականացրել  Հանրապետության բոլոր մարզերում և Ոստիկանության կրթահամալիրում: Նելլի Դուրյանը նշեց, որ կարևորում է կնոջ ներկայությունը տվյալ ստորաբաժանման մեջ: Քանի որ շատ հաճախ հենց կանայք են բռնության ենթարկվում, ուստի կարևոր է ոստիկանական այցերի ժամանակ կնոջ ներկայությունը: Նա նաև նկատեց, որ Ոստիկանությունը միայնակ քայլեր չի ձեռնարկելու. «Տվյալ ստորաբաժանումը պատրաստվում է համագործակցել սոցիալական աշխատողների, հոգեբանների, առողջապահական հիմնարկների, Աշխատանքի և սոցիալական հարցերի նախարարության հետ»,-ասաց Դուրյանը:

Նա  ներկայացրեց ոստիկանության վիճակագրությունը, ըստ որի՝ 864-ից ահազանգից 223-ը ընտանեկան բռնության դեպքերն են և նկատեց, որ նախորդ տարվա համեմատ՝ ընտանեկան բռնության դեպքերը նվազում են: 

Քրեական արդարադատության ոլորտում Եվրոպայի խորհրդի միջազգային փորձագետ,  «Սոցիալական արդարություն» ՀԿ նախագահ  Արշակ Գասպարյանը ներկայացրեց ոստիկանության գործառույթներ, որոնք վերաբերում են երկու հիմնարար գործողությունների՝  նախազգուշացումների և անհետաձգելի միջամտության որոշմանը: Գասպարյանը  նշեց, որ այս օրենքի առանձնահատկությունն է՝ «առավել հաճախ պաշպանել զոհին նախքան բռնարարի կողմից արդյունքի հասնելը»:

«Ոստիկանության առանցքային դերն այն է, որ աշխատելու է այն մարդկանց հետ, ում արարքը բռնությամբ է ուղեկցվում, բայց արարքի մեջ հաճախ կարող է բացակայել հանցակազմի տարրերը»,-ասաց Գասպարյանը:

Նա նաև անդրադարձավ վարչական իրավախախատումների վերաբերյալ օրենքի խախտմանը, որն է՝ 80-100 000 դրամ տուգանք, եթե անհետաձգելի միջամտություն որոշումը, կամ պաշտպանական որոշումը չկատարվի: Քրեական օրենսգիրքով անհետաձգելի միջամտության որշման, կամ պաշտպանական որոշման սահամնափակումները խախտելու դեպքում՝  նվազագույն աշխատավրձի 300-ից 500-ապատաիկի չափով տուգանք, մինչև 3 ամիս կալանք և մինչև 6 ամսի ազատազրկում է սպասվում: Այսինքն՝ բռնություն գործադրող ցանկացած անձ՝ ոստիկանության պայմանները խախտելու դեպքում ենթարկվելու է վարչական և քրեական պատասխանատվության:

Գասպարյանը նաև նշեց այն կետերը, որոնք կիրառվելու են ոստիկանության միջամտության դեպքում, դրանք են՝ համատեղ բնակության վայրում բռնություն գործադրողին բնակության վայրից հեռացնել, համատեղ բնակություն չունենալու դեպքում՝ բռնության զոհին այցելելը՝ դպրոց, աշատավայր, արգելելը, բռնություն գործադրած անձի մոտ, եթե առկա է զենք, ի պահ է տրվում ոստիկանությունում, ենթադրյալ զոհին բռնութուն գործադրողի կողմից հեռախոսազանգերի սահմանափակումը, և գծվում է տարածք, որից այն կողմ բռնություն գործադրող անձը չի կարող մոտենալ տուժողին, կամ ենթադրյալ տուժողին:

«Այսինքն, այս օրենքով ոստիկանությունն ինքնուրույն գնահատելու և որոշում կայացնելու լիազորություն է ձեռք բերում»,-հավելեց Գասպարյանը: