Ինքնասպանություն գործած տղան խորթ զավակ էր

Ինչպես տեղեկացրել ենք, Շիրակի մարզում ինքնասպանության դեպք է գրանցվել։ Աղվորիկ գյուղի բնակիչ, 15-ամյա Իսահակ Մանուկյանը հակի թելով կախվել է իրենց անասնագոմի առաստաղից։

Գյուղի վարչական պատասխանատու Նար Ղարիբջանյանը ԼՈւՐԵՐ․com-ի թղթակցի հետ զրույցում ասաց, որ տղայի ընտանիքն ապրում է նորմալ պայմաններում, զբաղվում է գյուղատնտեսությամբ։

«Տղան տարօրինակություններ ուներ, մանկամիտ էր, բայց բնականոն կյանք էր վարում, հաճախում էր դպրոց, վատ չէր սովորում։ Վերջին շրջանում վարքագծի մեջ փոփոխություններ չեն եղել։ Խորթ երեխա էր․ մայրն իր հետ էր բերել տղային՝ նախկին ամուսնուց էր։ Մոր ներկա ամուսինն էլ մի տղա ունի, որն էլ մահացած կնոջից է։  Լավ տղա էր, մյուս տարի պետք է գնար ավագ դպրոց»,-պատմեց Ղարիբջանյանը։

Մեր թղթակցի հարցին, թե հնարավո՞ր է, որ տղային տանը վատ վերաբերված լինեն, վարչական ղեկավարը ժխտողական պատասխան տվեց։

Լիլիթ Հակոբյան