Կաթողիկոսը փրփուրներից է կախվում
Հասարակություն
Գարեգին Բ կաթողիկոսը կարող էր այսօր զղջման խոսքով հանդես գալ: Խոսելով Ամենայն հայոց կաթողիկոս Գարեգին Բ-ի տեսաուղերձի մասին ԼՈւՐԵՐ.com-ի հետ զրույցում ասաց «Նոր Հայաստան, նոր հայրապետ» նախաձեռնության անդամ Կարեն Պետրոսյանը:
Անդրադառնալով տարբեր համայնքներից հոգևոր սպասավորների զորակցությանը կաթողիկոսին՝ Պետրոսյանը նշեց.
«Սատարման ուխտագնացությունը խոսում է իր խղճուկ վիճակի մասին: Այսինքն՝ նա գիտի,որ անխուսափելի է իր գնալը, և ինչպես ժողովորդն է ասում փրփուրներից է կախվում: Մեր հնչեցրած այդքան մեղադրանքերին՝ իր ընտանիքի առկայության, ապօրինի ընտրվելու, ժողովրդի կողմից սիրված չլինելու վերաբերյալ, որոնց հետ կապված բազում փաստեր ենք ներկայացրել` նա չի անդրադառնում, բայց խոսում է ինչ-որ հավաքի մասին՝ նկատի ունենալով մեզ որպես ցուցարար: Այդ նույն ցուցարարին մի քանի օր առաջ նա ասում էր՝ դուք մեր եկեղեցու նվիրյալ զավակներն եք»,-ասաց Պետրոսյանը:
Իրենց հետագա քայլերի հետ կապված Պետրոսյանը նշեց, որ վերջնական հայտարարություն կտարածեն եպիսկոպոսների հետ հանդիպումից հետո, որոնք ցանկություն են հայտնել հանդիպելու շարժման մասնակիցների հետ: Բայց և նշեց, որ կաթողիկոսի հրաժարականը անխուսափելի է, քանի որ «լուսավորչական գահը թույլ չի տալու իր վրա նստի մեկը, ով այն զավթել է»:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
