«Հայաստան» համահայկական հիմնադրամի գործադիր տնօրեն Արա Վարդանյանը գնացել է աշխատանքի: Այս մասին նշեց հիմնադրամիմամուլի խոսնակ Անուշ Մարտիրոսյանը:
«Հիմնադրամն աշխատում է այնպես, ինչպես նախկինում էր, ոչինչ չի փոխվել հիմնադրամի աշխատանքներում: Անխափան գործում են մեր բոլոր ծրագրերը: Առաջիկայում հուլիսի 16-ին Արցախի համայնքներից մեկում ունենք համայնքային կենտրոնի բացում, նախատեսվում է կրկին Արցախում բազմազավակ ընտանիքներին տներ հանձնել: Այսինքն՝ բնականոն ընթացքով ծրագրերը շարունակվում են»,-ասաց Անուշ Մարիտիրոսյանը:
Այն հարցին, թե այս օրերին նվիրատուներից զանգեր եղե՞լ են, Անուշ Մարտիրոսյանը պատասխանեց, որ, բնականաբար, եղել են, անհանգստացել են, ցանկանում էին մանրամասն տեղեկություններ իմանալ:
«Մեր կողմից բոլորին պատշաճ կարգով տեղեկություններ են տրամադրվել: Ասեմ ավելին, այս ընթացքում նվիրատվությունները շարունակվել են»,-ասաց Անուշ Մարտիրոսյանը:
ՀՀ ԱԱԾ-ում ստացված օպերատիվ տվյալների հիման վրա հուլիսի 2-ին յուրացումներ կատարելու, ինչպես նաև հասարակական կազմակերպության ծառայողի կողմից լիազորությունները չարաշահելու կասկածանքով բերման է ենթարկվել «Հայաստան» համահայկական հիմնադրամի տնօրեն Արա Վարդանյանը: Փաստական հանգամանքների ճնշման ներքո Վարդանյանը խոստովանել է, որ տնօրինելով հիմնադրամին տրամադրված 25 միլիոն դրամի վարկային գծով բանկային քարտը, դրա միջոցներն օգտագործել է անձնական նպատակներով, այդ թվում՝ դրանք ուղղելով տարբեր առցանց խաղատներում խաղադրույքներ կատարելուն:
«Հայաստան» համահայկական հիմնադրամի տնօրեն Արա Վարդանյանն ազատ է արձակվել, դատարանը սահմանել է գրավ 1 մլն դրամի չափով:
ՀՀ ԱԱԾ-ում ստացված օպերատիվ տվյալների հիման վրա հուլիսի 2-ին յուրացումներ կատարելու, ինչպես նաև հասարակական կազմակերպության ծառայողի կողմից լիազորությունները չարաշահելու կասկածանքով բերման է ենթարկվել «Հայաստան» համահայկական հիմնադրամի տնօրեն Արա Վարդանյանը: Փաստական հանգամանքների ճնշման ներքո Վարդանյանը խոստովանել է, որ տնօրինելով հիմնադրամին տրամադրված 25 միլիոն դրամի վարկային գծով բանկային քարտը, դրա միջոցներն օգտագործել է անձնական նպատակներով, այդ թվում՝ դրանք ուղղելով տարբեր առցանց խաղատներում խաղադրույքներ կատարելուն:
«Հայաստան» համահայկական հիմնադրամի տնօրեն Արա Վարդանյանն ազատ է արձակվել, դատարանը սահմանել է գրավ 1 մլն դրամի չափով:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
