Մենք ամեն օր թալանված միլիոններ ենք ետ բերում պետական բյուջե. Փաշինյան
Հասարակություն
Նիկոլ Փաշինյանը Վայոց Ձորի մարզ այցելության ժամանակ եղավ նաև Եղեգնաձոր քաղաքում։ Նա կարճ ելույթ ունեցավ Եղեգնաձորի հրապարակում՝ կոչ անելով ժողովրդին տեր կանգնել իր հաղթանակին և թույլ չտալ, որ կոռուպցիոն ուժերը համախմբվեն։
«Ես ուզում եմ կոչ անել և շնորհակալություն հայտնել, որ այս ընթացքում շատ ամուր կանգնել եք կառավարության կողքին, նաև վճռական որոշումների իրականցման ճանապարհին։ Ես ուզում եմ հավաստիացում ստանալ, որ դուք աջակցում եք կառավարության քաղաքականությանը՝ ըննդեմ կոռուպցիայի»,-ասաց Փաշինյանը։
Վարչապետը նշեց, որ ՀՀ-ում որևէ մեկը չի կարող ժողովրդի հաղթանակը խլել նրանից, և հավաստիացրեց, որ ժողովուրդն այսուհետ միայն հաղթանակներ է տոնելու։
«Մենք ամեն օր թալանված միլիոններ ենք ետ բերում պետական բյուջե, որն ուղղված է լինելու մեր երկրի, մեր քաղաքացիներ բարեկեցությունը ապահովելու համար»,-հավելեց Փաշինյանը։
Նա ներողություն խնդրեց եղեգնաձորցիներից՝ ժամանակի սղության պատճառով հարց ու պատասխան չլինելու համար, և ասաց, որ իրեն հասցեագրված նամակները կտանի իր հետ և կփորձի լուծում տալ այնտեղ գրված խնդիրներին։
Փաշինյանը Եղեգնաձորից հետո գնաց Արենի գյուղ, որտեղ հակիրճ ելույթից հետո ասաց՝ «Ես մեկ հանդիպում պարտք մնացի Եղեգնաձորին»։ Այնուհետև շրջայց կատարեց գյուղում խնդիրներին ծանոթանալու համար։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
