Կապանի քաղաքապետը հրաժարական տվեց
Հրապարակումներ
Կապանի քաղաքապետարանում իրավիճակը թեժ է։ Քաղաքապետ Աշոտ Հայրապետյանի հրաժարականի հարցն է քննարկվում։ ԼՈւՐԵՐ․com-ի հետ զրույցում Կապանի քաղաքապետի մամուլի քարտուղար Արմինե Ավագյանը հաստատեց, որ Աշոտ Հայրապետյանը հրաժարականի դիմում է ներկայացրել «Արտահերթ նիստ է եղել նշանակված 18։30-ին, սակայն աշխատակազմը,ավագանու անդամները, 32 գյուղի վարչական ղեկավարներ իր համակիրները բոյկոտում են, որ նա հրաժարական չտա»,-ասաց Ավագյանը
Նա նշեց, որ քաղաքապետի հրաժարականի դիմումը ավագանին պետք է քվեարկությամբ ընդունի, սակայն ավագանու նիստը դեռևս չի կայացել։
«Այս պահին փորձում են ավագանու նիստ կայացնել, սակայն չի ստացվում, խանգարվում է»,-հավելեց մամուլի քարտուղարը։
Նշենք, որ երեկ ՀՀ վարչապետ Նիկոլ Փաշինյանի Կապան կատարած այցի ժամանակ ժողովուրդը քաղաքապետ Աշոտ Հայրապետյանին թույլ չի տվել խոսել։ Քաղաքացիներից մեկը հարց է բարձրաձայնել, և Նիկոլ Փաշինյանը փորձել է խոսքը փոխանցել քաղաքապետին՝ խնդիրը պարզաբանելու, սակայն կապանցիները սուլոցներով և «Դուք ռեժիմի ստրուկն եք, Դուք ՀՀԿ-ի դրածոն եք» վանկարկումներով թույլ չեն տվել, որ նա խոսի։ Նիկոլ Փաշինյանը հորդորեց հարգել միմյանց ու լսել, ապա լքեց Կապանի հրապարակը:
Ամենայն հավանականությամբ Կապանի ՀՀԿ-ական քաղաքապետի հրաժարականը կապված է երեկվա միջադեպի հետ:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
