Թորոսյանը չեկավ, իրենք կգնան. վաղը բուժաշխատողները երթ կանեն

Ինչպես արդեն տեղեկացրել էինք, Երևանի «Գրիգոր Լուսավորիչ» բժշկական կենտրոնում այսօր բողոքի ակցիա էին իրականացնում հիվանդանոցի աշխատակիցները, նրանք բողոքում էին նախարարի որոշման դեմ, որով ԲԿ տնօրենի պաշտոնից ազատել էր Արա Մինասյանին:

Բժշկական կենտրոնի ղեկավարը նախկին նախագահ Սերժ Սարգսյանի խնամին է՝ Արա Մինասյանը։

Ակցիայի մասնակիցները նախարարի հետ հանդիպում էին պահանջում և հանդիպման ժամ էին նշանակել 20.30-ը: Սակայն, Առողջապահության նախարար Արսեն Թորոսյանը այդպես էլ չեկավ «Գրիգոր Լուսավորիչ» բժշկական կենտրոն, ինչն առաջացրեց ներկաների զայրույթը և նախարարի վերաբերմունքին ի պատասխան ակցիայի համակարգող Սամվել Ֆարմանյանը տեղեկացրեց,  որ հուլիսի 28-ին՝ ժամը 10։00-ին, Գրիգոր Լուսավորիչ բժշկական կենտրոնից երթով կգնան Առողջապահության նախարարի մոտ։