Փաստաբանը պարզաբանեց, թե ինչու Ռոբերտ Քոչարյանի խափանման միջոցը չի փոխվել
Իրավունք
Երկրորդ նախագահ Ռոբերտ Քոչարյանին կալանքը գրավի դիմաց որպես խափանման միջոց չընտրելու պատճառաբանությունը եղել է այն, որ նա Հայաստանից շատ է բացակայում և հնարավորություն ունի մեկնելու: Այդ մասին հրավիրված ասուլիսում ասաց Երկրորդ նախագահի փաստաբան Ռուբեն Սահակյանը:
«Պատճառաբանվում էր, որ Քոչարյանը հարցաքննության չի ներկայացել հուլիսի սկզբին, սակայն այնտեղ չի գրվել, որ Քոչարյանն իր աշխատակազմի միջոցով հայտնել է, որ հուլիսի 26-ին է վերադառնալու արտասահմանից: Որպես պատճառ ներկայացվում է նաև այն, որ Քոչարյանը Հայաստանից շատ է բացակայում, որ հնարավորություն ունի մեկնելու հանրապետությունից: Իսկ ո՞վ չունի այդ հնարավորությունը: Եթե դու գտնում ես, որ նա կարող է մեկնել, բարի եղիր արգելանք դիր, որ չկարողանա մեկնել, ընտրիր այնպիսի խափանման միջոց, որ չկարողանա մեկնել»,- ասաց փաստաբանը: Նրա խոսքով՝ այս գործում կան շատ հանգամանքներ, որ պետք է դրված լիներ գործում:
«Կալանավորման որոշումն ընդունվում է՝ պատճառաբանելով, թե 2008 թվականի նախագահական ընտրությունների հետ կապված Սահմանադրական դատարանի որոշումը եղել է ապօրինի ու վերջ: Բայց որոշման մեջ չի գրվում, որ ՍԴ-ի որոշումն այսպիսին է, այսպիսին, է: Շատ հանգամանքներ չի ներկայացվում մեզ, որոնք վկայում են Քոչարյանի արդարացման մասին»,- ասաց փաստաբանը:
ՈՒՂԻՂ ԵԹԵՐ
Ամենադիտված 
Ինչպես է Վահան Քերոբյանը դիմավորել դստերը հյուրանոցի մոտ` «Մանկական Եվրատեսիլում» նրա հաղթանակից հետո
