ՀՀ նախագահի տիկինը և Իտալիայի նախագահի դուստրը ծանոթացան Սերգեյ Փարաջանովի հարուստ ժառանգությանը
Գիտություն և Մշակույթ
Իտալիայի Հանրապետության նախագահի դուստր Լաուրա Մատարելան ՀՀ նախագահի տիկին Նո
Տուն-թանգարանի տնօրեն Զավեն Սարգսյանը հյուրերին ներկայացրեց Սերգեյ Փարաջանովի կյանքի ողբերգական և փառահեղ դրվագները` ներկաներին ծանոթացնելով նրա ստեղծագործություններին` ֆիլմերին, կոլաժներին, տիկնիկներին, այլ հետաքրքիր գործերի:
Սարգսյանը պատմեց, որ Փարաջանովը սկսել է կոլաժներ ստեղծել` ասելով, որ Խորհրդային Միությունում իշխանություններն իրեն թույլ չեն տալիս կինոժապավեններ նկարահանել, ուստի ինքը այդ բացը կլրացնի կոլաժներով. կոլաժը սեղմված ֆիլմն է:
Զավեն Սարգսյանն անդրադարձավ «Նռան գույնը» («Սայաթ-Նովա») հանրահայտ և աղմկահարույց կինոնկարին` նշելով, որ այն չունի սյուժե: Այդ ժապավենով ռեժիսորը ցանկացել է երկրի պատկերը ստեղծել:
Հյուրերը շրջեցին տուն-թանգարանի բոլոր հատվածներով, լուսանկարվեցին, իսկ շրջայցի ավարտին Զավեն Սարգսյանը Լաուրա Մատարելային նվիրեց «Նռան գույնը» կինոնկարի սկավառակը` շեշտելով, որ այն լավագույն ֆիլմն է Հայաստանի մասին, Սերգեյ Փարաջանովի աշխատանքների փոքր ալբոմը:
Տնօրենը Իտալիայի նախագահի դստերը և ՀՀ նախագահի կնոջը նվիրեց «Մեկուսացում» գիրքը, որում զետեղված են Փարաջանովի կյանքի բանտային տարիներին վերաբերող նամակներ, նյութեր, նկարներ:
Հյուրերը շնորհակալություն հայտնեցին Զավեն Սարգսյանին ջերմ ընդունելության համար:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
