Ըմբիշ Արարատ Մանուչարյանը կպայքարի եզրափակչի ուղեգրի համար

Հռոմում շարունակվում է ըմբշամարտի Եվրոպայի երիտասարդական առաջնությունը։

Մրցումային երկրորդ օրը լավ ելույթներ է ունեցել հունահռոմեական ոճի ըմբիշ Արարատ Մանուչարյանը (60 կգ)։Նա 1/8 եզրափակչում 9։0 հաշվով հաղթել է  թուրք Քերեմ Քամալին, ապա 8։0 հաշվով առավելության հասել ադրբեջանցի Զաուր Նուրիևի նկատմամբ։ Մեր ընմբիշը եզրափակչի ուղեգիրը վիճարկելու է ռուս Աբու ՄուսլիմԱմաևի հետ։ Այս մասին գրում է wrestling-armenia.am-ը:

Աշոտ Կիրակոսյանը (67 կգ) առաջին գոտեմարտում հաղթել է Կրիստո Վիդասին (Էստոնիա), սակայն քառորդեզրափակչում զիջել է նորվեգացի ըմբիշին։

Մալխաս Ամոյանը (72 կգ) վստահ սկսեց իր ելույթները։ Նա որակավորման փուլում հաղթել է  ԳերգելիԲուեռսոելիին (Սլովակիա), այնուհետև 9։0 հաշվով պարտության մատնել շվեդիայի ներկայացուցչին։ Ցավոք, քառորդ եզրափակչում 1։7 հաշվով Ամոյանը զիջել է ադրբեջանցի Գանիզադեին։