«Բարսելոնա»-ն համաձայնության է եկել Վիդալի հետ

«Բավարիա»-ի կիսապաշտպան Արտուրո Վիդալը մոտ է «Բարսելոնա» տեղափոխվելուն:

Իտալական մամուլի համաձայն, կատալոնյան կողմին մյունխենյան թիմի հետ մնացել է համաձայնեցնել տրանսֆերային գործարքի մի քանի կետ:

Վիդալն արդեն համաձայնության է եկել «կապտանռնագույնների» հետ: Իսպանիայի գործող չեմպիոնները ֆուտբոլիստի համար կվճարեն 20-25 մլն եվրո:

Բունդեսլիգայի ավարտված մրցաշրջանում 31-ամյա ֆուտբոլիստը մասնակցել է 22 խաղի, խփել է 6 գոլ և կատարել երկու արդյունավետ փոխանցում: