Վալերի Պողոսյան. ՀՔԾ-ն իմ անվտանգության մասին մտածե՞լ է
Իրավունք
«Ես այդպիսի բան չեմ ասել: Ես իրենց ասել եմ որոշ փաստեր, որոնք իրենք ներկայացնում են որպես ճնշում: Դա իրենց գործն է», – Ազատություն ռադիոկայանի հետ զրույցում ասել է Սահմանադրական դատարանի նախկին դատավոր Վալերի Պողոսյանը:
Լրագրողի հարցին, թե այսինքն՝ չի՞ եղել ճնշում, Վալերի Պողոսյանը պատասխանել է. «Չեմ ասում եղել է կամ չի եղել, ես ներկայացրել եմ փաստը, դա մեկնաբանություն է, մնացածը ուրիշ է, ես կարող եմ մեկնաբանել այսպես կամ այնպես»:
Պողոսյանը լրագրողին ասել է, որ իրավունք չունի պատմել, թե ինչ փաստ է ներկայացրել ՀՔԾում:
ՍԴ նախկին անդամն ասել է, որ այս գործով ՀՔԾ-ում մասնակցել է հարցաքննության որպես վկա: Նա նաև վրդովվել է, որ ՀՔԾ պետը հրապարակել է իր անունը: «ՀՔԾ-ն որ իմ ազգանունը հրապարակել է, իմ անվտանգության մասին մտածե՞լ է, թե՞ ես էլ իրենց համար միջոց եմ, ոչ թե մարդ»:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
