Հնդկաստանում ջրհեղեղի հետևանքով 324 մարդ է զոհվել

Հնդկաստանի հարավային Կերալա նահանգում՝ չդադարող հորդառատ անձրևներով պայմանավորված ջրհեղեղի հետևանքով առնվազն 324 մարդ է զոհվել: Այդ մասին հայտնում է BBC-ի ռուսական ծառայությունը:

 

Շուրջ 200.000 մարդ անօթևան է մնացել և տեղավորվել ժամանակավոր ճամբարներում:

 

Նահանգի իշխանությունների տվյալներով՝ մարդկանց մեծ մասը զոհվել է՝ հայտնվելով սողանքների հետևանքով առաջացած փլատակների տակ:

 

Ըստ կանխատեսումների՝ անձրևները շարունակելու են տեղալ նույն տեմպերով, ինչով պայմանավորված Կերալայում վտանգի կարմիր աստիճան է հայտարարվել, իսկ նահանգի գլխավոր օդանավակայանը փակ կմնա մինչև օգոստոսի 26-ը: