Իսրայելական բանակը Գազայի հատվածից երկրի գնդակոծության մեջ մեղադրում է Սիրիային և Իրանին

Իրանի պաշտպանության բանակի պաշտոնական ներկայացուցիչ Ջոնաթան Կոնրիկուսը պնդել է, որ Սիրիան և Իրանը ներգրավված են գիշերը Իսրայելի տարածքները Գազայի հատվածից  գնդակոծելու մեջ: Այս մասին նա հայտարարել է օտարերկրյա լրագրողների հետ տեղի ունեցած ճեպազրույցի ժամանակ:  

Այս մասին տեղեկանում ենք ՏԱՍՍ լրատվական գործակալությունից:

«Մենք անմիջական կապ ենք տեսնում Ալ-Քուդս իրանական հատուկ ուժերի և «Իսլամական ջիհադ» կազմակերպության գործունեության միջև, որն իրականացվում է  Դամասկոսի վարչակարգի միջոցով: Մենք բոլոր կողմերին տեղեկացրել ենք, թե ինչպես ենք տեսնում Դամասկոսի, իրանական «Ալ Քուդս»-ի և պաղեստինյան «Իսլամական ջիհադի» միջև կապը: Մենք ակնհայտորեն տեսնում ենք և կշարունակենք արձագանքել »,- նշել է Կոնրիկուսը:

Միևնույն ժամանակ Կոնրիկուսը հայտարարել է, որ 2007 թվականից ի վեր պաղեստինյան ծովափնյա անկլավում կառավարվող ՀԱՄԱՍ շարժումը պատասխանատու է այն ամեն համար, ինչ կատարվում է Գազայի հատվածում

«Այն փաստը, որ մենք տեղյակ ենք լրացուցիչ մանրամասներից, ոչ մի կերպ չի նվազեցնում ՀԱՄԱՍ-ի պատասխանատվությունը այս գործում»,-հավելել է նա:

Ռազմական բանակի ներկայացուցչի խոսքով՝ այս գիշեր «Իսլամական ջիհադի» զինյալները  34 հրթիռներով գնդակոծել են Իսրայելը, որոնցից 13-ի ընթացքը կասեցվել է Իսրայելի «Երկաթե գմբեթ» հակաօդային պաշտպանության համակարգով: Իսրայելն ի պատասխան այս գնդակոծման Գազայի հատվածում հարվածել է 80 ռազմական օբյեկտների: