Թուրք հաքերները հարձակում են գործել Հունաստանի ԱԳՆ-ի էլեկտրոնային համակարգի վրա
Աշխարհ
Թուրք հաքերները հարձակում են գործել և կոտրել Հունաստանի ԱԳՆ-ի էլեկտրոնային նամակագրության համակարգը:
Այս մասին հայտնում է թուրքական haberler.com-ը:
Հաքերների խումբը կոտրել է նաև Հունաստանի ազգային ռազմավարության կայքը և այնտեղ գրառում կատարել:
«Մենք մի գիշեր կարող ենք պատահաբար գալ: Մեր սահմանները մեր կարմիր գծերն են: Զգուշացնում ենք այդ գծերն անցնողներին, հիշեցնում ենք, որ պատմությունը կարող է կրկնվել»,-ասվում է հաքերների կողմից արված գրառման մեջ:
Հաքերները նաև նշել են, որ Հունաստանի դեմ հարձակումները շարունակվելու են, և որ իրենց թիրախի տակ են վերցված մի շարք հունական մեդիա կառույցներ:
Թուրք հաքերների խումբը հանդես է գալիս «Cyber-Warrior Akincilar» անվամբ և կիբեռ- հարձակումները սկսել է Թուրքիայի կողմից Հունաստանի օդային սահմանը խախտելու առնչությամբ Հունաստանի ԶՈւ գլխավոր շտաբի պետի կոշտ զգուշացումներից հետո:
«Եթե թուրքական ուժերը մոտենան մեր կղզիներին, մենք կոչնչացնենք նրանց»,-ասել էր Հունաստանի ԶՈւ գլխավոր շտաբի պետը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
