«Դորիան» փոթորիկը մոլեգնել է Կանադայի ատլանտյան ափին

Լույս սեպտեմբերի 9-ի գիշերը «Դորիան» փոթորիկը, որը մոլեգնել է Կանադայի ատլանտյան նահանգներում, առանց էլեկտրականության է թողել շուրջ 500 հազար տնային տնտեսություններ ու ձեռնարկություններ: Այդ մասին հայտնել է հեռուստառադիոհաղորդումների CBC կանադական կորպորացիան:

Նրա տվյալներով՝ փոթորկի հարվածը բաժին է հասել Նոր Շոտլանդիա, Նյու-Բրանսուիք կանադական նահանգներին, ինչպես նաև արքայազն Էդուարդի կղզուն:

«Դորիան»-ը տարածաշրջանին մոտեցել է որպես երկրորդ կատեգորիայի փոթորիկ՝ ժամում մինչև 145 կիլոմետր քամու պոռթկումներով: Հալիֆաքս քաղաքում (Նոր Շոտլանդիա) տապալվել է շինարարական կռունկը: Ներկայում «Դորիան»-ը շարժվում է արևելյան ուղղությամբ և դասակարգվում է որպես արևադարձային ցիկլոն: Ավելի վաղ փոթորկի հետևանքներն զգացել են ԱՄՆ-ի Հարավային և Հյուսիսային Կարոլինաում: Հորդառատ անձրևներն ուղեկցվել են մի քանի տոռնադոներով: Մոտավորապես 400 հազար բնակելի տներ և ձեռնարկություններ մնացել են առանց էլեկտրականության, հաղորդել է «Ինտերֆաքս»-ը: