Հյուսիսային ծովում հարյուրավոր կանայք ու տղամարդիկ են մերկ լողացել` հաջակցություն հոգեկան առողջության պահպանման (ֆոտոշարք)
Աշխարհ
Հյուսիսային ծովում հարյուրավոր բրիտանացի կանայք և տղամարդիկ են լողացել` հաջակցություն հոգեկան առողջության պահպանման Mind կոչվող բարեգործական հիմնադրամի, գրում է Daily Mirror-ը:
Բարեգործական ակցիան տեղի է ունեցել սեպտեմբերի 22-ին` աշնան գիշերահավասարի նախօրեին: Նախնական տվյալներով` ավելի քան 700 անձ է մասնակցել ակցիային: Ակցիայի մասնակիցներին խորոված են հյուրասիրել:
Միջոցառման կազմակերպիչ Ջեքս Հագինսոնը հայտարարել է, որ այս տարի ակցիան ամենաբարձր մակարդակով է անցել: Նա նշել է, որ ծովում լողացել են նույնիսկ անվասայլակով տեղաշարժվող անձինք:
«Շուրջբոլորն այնքան ուրախություն կար, ժպիտներ և գրկախառնություններ: Հիանալի էր այս ամենին հետևելը: Ակցիայի գաղափարն ուղղակի մերկանալը չէր: Մարդիկ արկածախնդրության էին գնում և միմյանց հետ կիսվում էին իրենց հույզերով»,- ասել է Հագինսոնը:
Ակցիայի մասնակիցներից 41-ամյա մի կին էլ ասել է. «Մենք ռիսկի դիմեցինք, միաձուլվեցինք բնությանը, ուրախացանք և ցույց տվեցինք մեր մարմինների եզակիությունը»:
Ավելի վաղ հայտնի է դարձել, որ Իռլանդիայում 1800 մերկ կին մասնակցել է կրծքագեղձի քաղցկեղի խնդրի բարձրաձայնման նպատակով անցկացվող Strip and Dip կոչվող բարեգործական ակցիային:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
