Իրանի հետ դիմակայության սաստկացումը կհանգեցնի նավթի գների թռիչքի. Էր Ռիադ
Աշխարհ
Համաշխարհային հանրակցությունը պետք է վճռական քայլերի դիմի Իրանին զսպելու և հետագա էսկալացում թույլ չտալու համար, որի հետևանքը կարող է դառնալ նավթի գների աննախադեպ աճը: CBS հեռուստաալիքի «60 րոպե» ծրագրում կայացած հարցազրույցում այս կարծիքն է հայտնել Սաուդյան Արաբիայի գահաժառանգ արքայազն Մուհամեդ բեն Սալման Ալ Սաուդը: Հաղորդումը եթեր է տրվել սեպտեմբերի 29-ին:
«Տարածաշրջանում են կենտրոնացած Էներգակիրների համաշխարհային պաշարների շուրջ 30 տոկոսը, առևտրական հոսքերի շուրջ 20 տոկոսը, համաշխարհային համախառն ներքին արդյունքի շուրջ 4 տոկոսը: Պատկերացրեք, եթե այդ ամենը կանգ առնի: Դա կնշանակի համաշխարհային տնտեսության լիակատար կործանում»,- ասել է նա: Ըստ որում, գահաժառանգ արքայազնը նշել է, որ հանդես է գալիս քաղաքական լուծման օգտին: «Քաղաքական և խաղաղ լուծումը միշտ էլ ավելի լավ է, քան ռազմականը»,- պարզաբանել է նա: Նրա կարծիքով՝ ԱՄՆ-ի և Իրանի նախագահներ Դոնալդ Թրամփը և Հասան Ռոուհանին պետք է նստեն բանակցությունների սեղանի շուրջը և հասնեն նոր համաձայնագիր կնքման, հաղորդել է ՏԱՍՍ գործակալությունը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
