Աթամբաեւին հարկադրաբար դատարան կբերեն դատավարությունը բոյկոտելու փորձից հետո
Աշխարհ
Ղրղզստանի նախկին նախագահ Ալմազբեկ Աթամբաեւը որոշել Է բոյկոտել քրեական հեղինակություն Ազիզ Բատուկաեւին անօրինականորեն ազատ արձակելու գործով դատը եւ համապատասխան գրավոր հայտարարություն Է արել: Դատարանը նրան հարկադրաբար բերման ենթարկելու որոշում Է ընդունել: Այդ մասին հայտնել Է փաստաբան Սերգեյ Սլեսարյովը:
Հարկադրաբար բերման ենթարկելու հանձնարարությունը տրված Է պահակային ծառայությանը. այդ դատավարության հաջորդ նիստը կկայանա հոկտեմբերի 15-ին, հավելել Է նա:
Ավելի վաղ այն մասին, որ Աթամբաեւը բոյկոտ Է հայտարարել դատարանին եւ հրաժարվել Է ներկա գտնվել դատավարությանը, հայտնել Էր փաստաբան Զամիր Ժոոշեւը: Նրա խոսքով՝ նախկին նախագահը դատը համարում Է անօրինական:
Աթամբաեւի պաշտպանությունն այն կարծիքին Է, որ դատին մասնակցելուց հրաժարվելու վերաբերյալ նախկին նախագահի հայտարարությունը բավարար Էր, որպեսզի դատավարությունն անցկացվի առանց նրա, նշել Է Սլեսարյովը: Բատուկաեւին անօրինականորեն ազատ արձակելու գործով 19 մարդ Է անցնում:
Նրանցից 14-ն ընդունել են իրենց մեղքը եւ հետաքննության հետ գործարքներ են ստորագրել: Աթամբաեւն այդ գործով անցնում Էր որպես վկա, բայց հրաժարվում Էր ներկայանալ հարցաքննության, հաղորդել Է «Ինտերֆաքս»-ը:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
