Հազարավոր ցուցարարներ «Ազատության երթ» են սկսել դեպի Բարսելոնա

Կատալոնիայի անկախության կողմնակիցների շարասյուները տարբեր քաղաքներից ուղեւորվում են Բարսելոնա, որպեսզի հոկտեմբերի 18-ին հասնեն այնտեղ եւ մասնակցեն համընդհանուր գործադուլին, որը կազմակերպվել Է կատալոնցի քաղաքական գործիչների նկատմամբ կայացված դատավճիռներից հետո՝ 2017 թվականի անկախութան հանրաքվեի անցկացմանը նրանց մասնակցության կապակցությամբ:

Այդ մասին հաղորդվում Է ինքնավար հանրակցության անկախության օգտին հանդես եկող տարբեր կազմակերպությունների սոցիալական ցանցերում: Երթի կադրերը ցուցադրում Է նաեւ 24 Horas հեռուստաալիքը:

Այսպես կոչված «Ազատության երթն» ընթանում Է Կատալոնիայի ազգային վեհաժողով եւ Omnium Cultural հասարակական կազմակերպությունների նախաձեռնությամբ, որոնց առաջնորդներ Ժորդի Սանչեսը եւ Ժորդի Կուիշարը Գերագույն դատարանի կողմից ինը տարվա բանտարկության են դատապարտվել անկախության հանրաքվեի կազմակերպմանը մասնակցելու պատճառով: Ակցիան պաշտպանել Է «Հանրապետության պաշտպանության կոմիտեներ» արմատական կազմակերպությունը:

Երեք օրվա ընթացքում շարասյուները պետք Է անցնեն մոտավորապես 100 կիլոմետր: «Երթի նպատակը զանգվածային եւ ոչ բռնի պատասխանն Է, ինքնորոշումն ու քաղբանտարկյալների ազատությունը պաշտպանելը»,-ասված Է կազմակերպիչների հայտարարության մեջ:

Կատալոնիայի ազգային վեհաժողովի ազգային քարտուղար Դավիթ Ֆեռնանդեսն ավելի վաղ հայտարարել Է, որ ցուցարարները մտադիր են «արգելափակել ճանապարհների ամբողջ հիմնական ցանցը Կատալոնիայում»:

Ինքնավար հանրակցության տարբեր համալսարանների ուսանողները հոկտեմբերի 16-ին եռօրյա դասադուլ են սկսել: Կատալոնիայում բողոքի ակցիաներն սկսվել են հոկտեմբերի 14-ին:Հոկտեմբերի 15-ի երեկոյան եւ լույս 16-ի գիշերը դիմակայության Էպիկենտրոնը դարձել Է Բարսելոնայի կենտրոնական շրջանը, որտեղ բախումներ են տեղի ունեցել ոստիկանության հետ, արմատականները բարիկադներ Էին կառուցում ու հրկիզում դրանք:

Ընդհարումներ են տեղի ունեցել նաեւ Տարագոնայում, Լերիդայում եւ Ժիրոնայում: Տուժել Է շուրջ 200 մարդ, այդ թվում՝ իրավապահ մարմինների շուրջ 70 աշխատակից, հաղորդել Է ՌԻԱ Նովոստին: