Էրդողանը աղբամանն է նետել իրեն «սատանա»-ի հետ համեմատած Թրամփի նամակը . BBC
Աշխարհ
Թուրքիայի նախագահ Ռեջեփ Թայիփ Էրդողանը ԱՄՆ նախագահ Դոնալդ Թրամփի նամակն «աղբամանն է նետել»: Այս մասին հաղորդում է BBC-ն՝ հղում կատարելով հավաստի աղբյուրներին: Սիրիայից ԱՄՆ զորքերը դուրս բերելուց հետո, հոկտեմբերի 9-ին Էրդողանին ուղղված նամակում Թրամփը գրել է.
«Պատմությունը Ձեզ դրական լույսի ներքո կհիշի, եթե Դուք սա իրականացնեք ճիշտ և մարդկային ձևով։ Հակառակ պարագայում, եթե դրական իրադարձություններ տեղի չունենան, պատմությունը Ձեզ ընդմիշտ կնայի որպես սատանայի։ «Լավ տղա» մի եղիր։ Հիմար մի եղիր»:
Թրամփն ընդգծել է նաև, որ «Սիրիայի ժողովրդավարական ուժեր» կոալիցիայի հրամանատար Մազլյում Աբդին ցանկանում է բանակցել Էրդողանի հետ և «պատրաստ է գնալ այնպիսի զիջումների, որոնք նախկինում չէր անի»: ԱՄՆ առաջնորդը տեղեկացրել է, որ նամակին կցում է նաև Աբդիից ստացված հաղորդագրությունը: Բացի այդ, նամակում Թրամփը հայտնել է Էրդողանին զանգահարելու մտադրության մասին:
Թուրքիայի նախագահական աղբյուրները պատմել են BBC-ին, որ նամակը «հիմնավորապես մերժվել է» Էրդողանի կողմից. «Նախագահ Էրդողանը ստացավ նամակը, հիմնավորապես մերժեց այն ու աղբամանը գցեց»:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
