Ֆրանսիայի Բայոնե քաղաքում կրակ են բացել մզկիթի վրա. կան վիրավորներ

Ֆրանսիայի Բայոնե քաղաքում 60-ամյա տղամարդը կրակ է բացել մզկիթի վրա, ապա նռնակ է նետել շինության մեջ: Այս մասին հայտնում է Actu17-ը:

 

Վիրավորվել է երկու անձ՝ 84 և 87 տարեկան:

 

Նռնակը նետելուց հետո տղամարդը փորձել է փախուստի դիմել, բայց ոստիկանությունը նրան բերման է ենթարկել հենց իր տան դիմաց: Հետագայում նրա ավտոմեքենայի մեջ նաև գազի բալոն է հայտնաբերվել:

 

Նշվում է, որ նա նախկին զինծառայող է եղել:Հանցագործության շարժառիթները դեռ հայտնի չեն: