Թայլանդում դեռահասն ամբողջ գիշեր համակարգչային խաղ է խաղացել և մահացել գլխուղեղի կաթվածից (լուսանկարներ)
Աշխարհ
Թայլանդում 17-ամյա Փիյավատ Հարիկուն ամբողջ գիշեր համակարգչային խաղ է խաղացել և մահացել գլխուղեղի կաթվածից, գրում է Daily Mail-ը:
Տղայի ծնողների խոսքով՝ դեռահասը դպրոցական արձակուրդների ընթացքում գիշերները լուսացնում էր համակարգչային խաղեր խաղալով, հրաժարվում էր ուտել և իրենք ստիպված էին լինում սնունդ երեխայի սենյակ տանել:
Նրանց պնդմամբ՝ երեխային կանգնեցնելու իրենց ջանքերը զուր են անցել:
Փիյավատի հայրը՝ Ջարանվիտը, երկուշաբթի առավոտյան մտել է որդու սենյակ և նրան համակարգչի առջև մահացած է հայտնաբերել:
Հաղորդվում է, որ երեկ իրականացված բժշկական փորձաքննությունը ցույց է տվել, որ անչափահասը մահացել է գլխուղեղի կաթվածից, որը վրա է հասել ամբողջ գիշեր համակարգչային խաղեր խաղալու հետևանքով:
Տղայի հայրն ընդունել է, որ որդին խաղամոլ էր և մյուս ծնողներին հորդորել է չկրկնել իրենց սխալն ու թույլ տալ երեխաներին խաղամոլ դառնալ:
«Որդիս խելացի էր և դպրոցում բարձր առաջադիմություն էր ցուցաբերում, բայց նա համակարգչային խաղերից կախվածություն ուներ»,- ասում է տղայի հայրը և հավելում. «Ցանկանում եմ, որ որդուս մահն օրինակ և նախազգուշացում լինի այն բոլոր ծնողներին, որոնց երեխաները նույնպես խաղերից կախվածություն ունեն»:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
