Էրդողանը մեկնում է ԱՄՆ՝ «որոշ հարցականներ»-ի հետևից
Աշխարհ
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Դոնալդ Թրամփի հետ:
Ermenihaber-ի փոխանցմամբ՝ Թուրքիայի նախագահը հաստատել է նոյեմբերի 13-ին նախատեսվող այցն ԱՄՆ և այս մասին գրառում է կատարել Twitter-ում:
Նա հույս է հայտնել, որ նոյեմբերի 13-ին կայանալիք այցի ընթացքում ԱՄՆ-ի հետ հարաբերություններում և տարածաշրջանային հարցերի շուրջ դրական արդյունքներ կգրանցեն:
Հիշեցնենք, որ հոկտեմբերի 29-ին ԱՄՆ Կոնգրեսի ստորին` Ներկայացուցիչների պալատը Հայոց ցեղասպանությունը ճանաչող բանաձև և Սիրիայում ռազմական գործողություն իրականացնելու պատճառով Թուրքիայի դեմ տնտեսական պատժամիջոցներ կիրառելու վերաբերյալ օրինագիծ էր ընդունել:
Այդ կապակցությամբ Էրդողանը հայտնել էր, որ Թրամփի հրավերով նոյեմբերի 13-ին նախատեսվող հանդիպման շուրջ դեռևս որոշում չի կայացրել և «որոշ հարցականներ կան»:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
