Լիբանանում ավելի քան 50 զինվորական Է տուժել անկարգությունների ընթացքում

 Լիբանանյան բանակի 51 զինծառայող Է տուժել Տրիպոլի, Բիկֆայա եւ Բեյրութ քաղաքներում տեղի ունեցած անկարգությունների ընթացքում: Այդ մասին հաղորդվում Է բանակի մամուլի ծառայության հայտարարության մեջ:

«Տրիպոլիում նյութական վնաս Է հասցվել բանկային մի քանի բաժանմունքների եւ կուսակցություններից մեկի գրասենյակին: Զինվորականների ուղղությամբ նետվել Է նռնակ, որը չի պայթել, «մոլոտովի կոկտեյլներ» եւ քարեր, ինչը հանգեցրել Է 33 զինծառայողների վիրավորվելուն»,-գրում Է մամուլի ծառայությունը:

Բեյրութում Սայդայի հին փողոցում, որը բաժանում Է շիաբնակ Շիյահ շրջանը եւ քրիստոնեական Այն Էր Ռումանեն, որտեղ բանակը վերահսկում Էր կարգուկանոնը, տասը զինվորական Է տուժել նույնպես ակտիվիստների կողմից քարկոծման հետեւանքով:

Բիկֆայա քաղաքում, որտեղ բանակը ճանապարհի ապաարգելափակման միջոցներ Էր ձեռնարկում, տուժել Է ութ զինվորական:

Բանակի մամուլի ծառայության հայտարարության համաձայն, ընդամենը երկրի տարբեր քաղաքներում ձերբակալվել Է անկարգությունների 16 մասնակից:

Խաղաղ հակակառավարական ցույցերն ամբող Լիբանանում տեղի են ունենում հոկտեմբերի 17-ից: Ցուցարարները պահանջում են տնտեսական բարեփոխումներ եւ բոլոր այն պաշտոնյաների դատական հետապնդում, որոնք խառն են կոռուպցիոն սխեմաներին: Հոկտեմբերի 29-ին Սաադ Հարիրիի առավարությունը հրաժարական Է տվել, սակայն ցույցերը դրանից հետո չդադարեցին, հաղորդել Է ՌԻԱ Նովոստին: