Վրաստանը, Թուրքիան և Ադրբեջանը համագործակցության նոր ծրագիր են ձևակերպել

Թբիլիսիի պետական ​​արարողությունների պալատում՝ Վրաստանի, Ադրբեջանի և Թուրքիայի արտգործնախարարները համատեղ հայտարարություններ են արել։

Մինչ այդ, ստորագրվել է Ադրբեջանի, Վրաստանի և Թուրքիայի հանրապետությունների արտգործնախարարների ութերրորդ եռակողմ հանդիպման համատեղ հայտարարությունը: Գրել է Վրաստանի «Առաջին ալիքը»։

Դավիթ Զալկալիանիի խոսքով, փաստաթղթում ներկայացված են բոլոր ոլորտներում՝ Վրաստանի, Ադրբեջանի և Թուրքիայի ընդհանուր շահերի կոնկրետ գործողությունները և ծրագրերը, ինչպես նաև եռակողմ համագործակցության մեխանիզմները:

Զալկալիանիի հայտարարությամբ՝ Վրաստանի, Ադրբեջանի և Թուրքիայի արտգործնախարարների 8-րդ եռակողմ հանդիպմանը քննարկվել են եռակողմ ձևաչափի 2020-22 թվականների  գործողությունների ծրագիրը:

«Հանդիպման ընթացքում հատուկ ուշադրություն է դարձվել համատեղ տարածաշրջանային տրանսպորտային-էներգետիկ նախագծերին: Գրանցվել է Անդրկասպիական գազատարի նախագծի իրականացման կարևորությունը և Վրաստանի, Ադրբեջանի և Թուրքիայի դերը Կասպյան տարածաշրջանից դեպի Եվրոպա էներգոռեսուրսների տեղափոխման հարցերի և Եվրոպայի էներգոանվտանգության ապահովման գործում: Ընդգծվել է արդեն իսկ հաջող ավարտված ՝ Բաքու-Թբիլիսի-Ջեյհան և Բաքու-Թբիլիսի-Էրզրում էներգետիկ նախագծերը: Միևնույն ժամանակ, նախարարները վերահաստատել են իրենց պատրաստակամությունը ՝ շարունակել հարավային էներգետիկ միջանցքի լիարժեք իրացման համակարգումը: Կարևորվել է նաև բնական գազի խողովակաշարի (TANAP) ծրագրի երկրորդ փուլի ավարտը, որը բացվել է նոյեմբերի 30-ին Թուրքիայում: Հարկ է նշել, որ ծրագրի իրականացումը նպաստում է իրականության ձևավորմանը եվրոպական էներգոանվտանգության ճարտարապետության մեջ»,-հայտարարել է Դավիթ Զալկալիանին: