Իսպանիայում հրուշակեղենի ֆաբրիկան 10 հազար եվրոյի չեկ է թաքցրել ամանորյա կարկանդակի մեջ

Իսպանիայի Լա-Բանիեսա մունիցիպալիտետում (Կաստիլիա-ի-Լեոնի ինքնավար մարզ) Conrado հրուշակեղենի ֆաբրիկայի սեփականատերերը շարունակել են դրամական անակնկալով կարկանդակների թողարկման ավանդույթը: Այս անգամ նախաամանորյա տոներին գնորդներին իրենց արտադրանքով հրապուրելու նպատակով նրանք հայտարարել են, որ առաջիկայում 10 հազար եվրոյի չեկ են դնելու իրենց կարկանդակներից մեկի մեջ:
Անուշեղենը կարելի կլինի ձեռք բերել դեկտեմբերի 29-ից մինչեւ գալիք տարվա հունվարի 6-ը: Հսկայական քանակությամբ կարկանդակների թվում, որոնք իսպանացիներն ավանդաբար գնում են հունվարի 6-ին՝ Աստվածհայտնության օրը, միայն մեկի մեջ է գտնվելու չեկը: Հրուշակեղենի այս ապրանքատեսակը վաճառվելու է ամբողջ Իսպանիայում, այն կարելի կլինի պատվիրել նաեւ Եվրոպայի այլ քաղաքներում: 
Առաջին անգամ գովազդային այս հնարքը կազմակերպելու գաղափարը Conrado-ի ղեկավարությունը մտահղացել է 2009 թվականին, երբ հրուշակագործները որոշեցին գնորդներին հրապուրել 500 եվրո անակնկալով: Դրանից հետո նման անակնկալի գումարը մշտապես ավելացել Է՝ հասնելով մինչեւ 10 հազար եվրոյի: 
Ինչպես հայտնել են տեղական ԶԼՄ-ները, 2018 թվականին չեկը գտել է Մորալես դել Վինո ոչ մեծ մունիցիպալիտետի ութ հոգուց բացկացած ընտանիքը: Երջանիկներից մեկը պատմել է, որ կարկանդակը ձեռք է բերել ինտերնետի միջոցով, քանի որ իմացել էր մրցանակի առկայության մասին, հաղորդել Է ՏԱՍՍ-ը: