Ուկրաինական կողմը, ի թիվս այլ վարկածների, ուսումնասիրում է Boeing-ի հրթիռային խոցումը

Աշխարհ 9 Հունվար, 2020 14:38

Ուկրաինայի ազգային անվտանգության եւ պաշտպանության խորհուրդը (ԱԱՊԽ), ի թիվս այլ վարկածների, ուսումնասիրում է ռուսական արտադրության «Տոռ» զենիթային հրթիռով հունվարի 8-ին Թեհրանի օդանավակայանից թռչելուց հետո ուկրաինական Boeing-ի խոցումը: Այդ մասին հայտարարել է գերատեսչության քարտուղար Ալեքսեյ Դանիլովը «Ցենզոր.նետ» հրատարակությանն արած մեկնաբանության մեջ:

«Այսօր գիշերը, Ուկրաինայի նախագահ Վլադիմիր Զելենսկու որոշման համաձայն, «Ուկրաինայի միջազգային ավիաուղիներ» ընկերության Boeing-ի աղետի հետաքննության պետական հանձնախումբը ժամանել է Թեհրան: Խմբում ընդգրկված Է 45 մարդ՝ 12 նախարարությունների ու գերատեսչությունների ներկայացուցիչներ,-պատմել է նա:- Ներկայում խորհրդակցություն է ընթանում Իրանի պատկան մարմինների ներկայացուցիչների մասնակցությամբ: Ուսումնասիրվում են ինքնաթիռի հանկարծակի անկման տարբեր վարկածներ»:

ԱԱՊԽ-ի քարտուղարի խոսքով՝ հիմնական վարկածների թվում է զենիթային հրթիռով, այդ թվում՝ «Տոռ» հրթիռով ինքնաթիռի խոցումը, քանի որ աղետի վայրի մերձակայքում հրթիռի բեկորների հայտնաբերման վերաբերյալ տեղեկատվությունն արդեն հայտնվել Է ցանցում»: Բացի այդ, ինչպես հավելել է Դանիլովը, ուսումնասիրվում են անօդաչու թռչող սարքի կամ այլ թռչող օբյեկտի հետ ինքնաթիռի բախման հնարավորությունը, տեխնիկական պատճառներով շարժիչի խափանման եւ պայթելու, ինքնաթիռի ներսում ահաբեկչական գործողության հետեւանքով պայթյունի վարկածները: Ավելի վաղ Իրանի քաղաքացիական ավիացիայի կազմակերպության կողմից ավիաաղետի նախնական հետաքննության նյութերում նշվել է, որ Թեհրանում կործանված ուկրաինական Boeing-737 ինքնաթիռը բռնկել է դեռ մինչեւ գետնին բախվելը: «Ինքնաթիռը բռնկել է օդում: Ականատեսների հաղորդումների համաձայն, կրակը տեսանելի Էր ինքնաթիռում եւ տարածվում Էր դրա ֆուզելյաժով»,- արձանագրել ԷէԻրանի քաղաքացիական ավիացիայի կազմակերպությունը: Հաշվետվության մեջ նաեւ նշվում է, որ «գետնին բախվելուց հետո տեղի Է ունեցել պայթյուն»:

Նախնական հետաքննության մեջ նշում է, որ տեխնիկական խնդրի հայտնաբերումից հետո Boeing-737-ը փորձել է վերադառնալ օդանավակայան:

«Կործանման պահին ինքնաթիռը վերադառնում էր օդանավակայան»,-ասված է փաստաթղթում: Բացի այդ, հաշվետվության համաձայն, ինքնաթիռի անձնակազմից «ոչ մի հաղորդում չի ստացվել թռիչքի անսովոր հանգամանքների վերաբերյալ», Հունվարի 8-ին «Ուկրաինայի միջազգային ավիաուղիներ» ընկերության Boeing 737 ինքնաթիռն աղետի է ենթարկվել Թեհրանի օդանավակայանից թռիչքից հետո: Ուկրաինայի արտաքին գործերի նախարար Վադիմ Պրիստայկոյի տեղեկատվության համաձայն, ավիավթարի հետեւանքով զոհվել Է 176 մարդ, այդ թվում՝ Իրանի, Կանադայի, Ուկրաինայի, Շվեդիայի, Աֆղանստանի, Գերմանիայի եւ Մեծ Բրիտանիայի քաղաքացիներ, հաղորդել Է ՏԱՍՍ-ը: