Լաս Վեգասի «սեւ այրին» ազատ է արձակվել եւ մտադիր է վաճառել իր պատմությունը

Նեւադա նահանգի պատմության մեջ «սեւ այրի» հորջորջվող ամենասարսափելի մարդասպաններից մեկը բանտից ազտվելուց հետո հայտարարել է, որ ինքը 25 տարի առաջ չի սպանել իր ամուսնուն Լաս Վեգասում եւ մտադիր է վաճառել իր պատմությունը, ինչպես նաեւ վարկածներն այն մասին, թե ով կարող էր լինել մարդասպանը, հայտնում է Associated Press-ը։

76-ամյա Մարգարետ Ռուդինը, որը հայտնի էր շոու-բիզնեսում եւ հնաոճ իրերի խանութ ուներ, անհետացել էր իր միլիոնատեր ամուսնու՝ Ռոն Ռուդինի սպանությունից հետո եւ 2 տարի փախուստի մեջ էր գտնվում։

Նրան դատապարտել էին ցմահ ազատազրկման, սակայն կինը համաներման է ենթարկվել եւ 20 տարվա ազատազրկումից հետո դուրս է եկել բանտից։

«Ես ուզում եմ, որ ինձ արդարացնեն»,- Las Vegas Review-Journal-ին տված հարցազրույցում հայտարարել է նա՝ հավելելով, որ ուզում է անձնագիր ստանալ, քվեարկության իրավունք ունենալ եւ «անել այն, ինչ կարողանում էի անել Ռոնի սպանությունից առաջ»։