Ռուսաստանում սահմանադրական փոփոխությունների հանրաքվեն կորոնավիրուսի պատճառով կհետաձգվի

ՌԴ նախագահ Վլադիմիր Պուտինը հայտարարել է, որ ապրիլի 22-ին նախատեսված սահմանադրական փոփոխությունների համառուսաստանյան հանրաքվեն կորոնավիրուսի համաճարակի պատճառով կհետաձգվի: Այս մասին նա հայտնեց այսօր՝ մարտի 25-ին, ժողովրդին հղած իր ուղերձում:

Քվեարկության նոր օրը կորոշվի ավելի ուշ` կախված Ռուսաստանում կորոնավիրուսի տարածման հետ կապված իրավիճակի զարգացումից: 

Ռուսաստանի նախագահը նաեւ մարտի 30-ից ապրիլի 5-ն ընկած ժամանակահատվածը ոչ աշխատանքային է հայտարարել:

Հիշեցնենք, որ Ռուսաստանում կորոնավիրուսի վարակակիրների թիվը հասել է 495-ի, 93 000 մարդ գտնվում է բժիշկների վերահսկողության տակ: