Իսպանիայի փոխվարչապետը վարակվել է կորոնավիրուսով․ El Pais

Իսպանիայի առաջին փոխվարչապետ Կարմեն Կալվոն վարակվել է կորոնավիրուսով: Այդ մասին հայտնում է El Pais-ը:

Հրապարակման համաձայն՝ առաջին վերլուծությունը տվել է բացասական արդյունք, սակայն բժիշկները առաջարկել են կրկնել թեստը: Երկրորդ թեստը հաստատել է կորոնավիրուսային վարակը 62-ամյա Կալվոյի մոտ:

Ընդհանուր առմամբ՝ կորոնավիրուսով վարակվել է 47,610 մարդ, մահացել է 3,434 մարդ։ Անցած օրվա ընթացքում Իսպանիայում մահացել է 738 մարդ, ինչը 30 տոկոսով ավելին է, քան նախորդ օրը: 

Համաձայն վերջին տվյալների՝ աշխարհում հայտնաբերվել է կորոնավիրուսով վարակված ավելի քան 428 հազար մարդ: 18,9 հազար մարդ մահացել է, 109,1 հազարը՝ բուժվել: