«Այս տեմպերով ախտահանիչ նյութերի օգտագործումը կարող է համընդհանուր ալերգիայի պատճառ դառնալ»․ Կոմարովսկի․ Ռիա Նովոստի

Մանկաբույժ և հեռուստահաղորդավար Եվգենի Կոմարովսկին հարցազրույցում խոսել է կորոնավիրուսային համաճարակից հետո հասարակության մեջ խոշոր փոփոխությունների մասին: Բժիշկը կարծում է, որ համաճարակը կփոխի մարդկանց վերաբերմունքը վիրուսների նկատմամբ: Նրա խոսքով՝ պատվաստումները և հիգիենան «հանգստացրել են» հասարակությունը, և մարդիկ դադարել են կարևորություն տալ վիրուսների հետ կապված կարևորագույն խնդիրներին։

Կոմարովսկին նշել է, որ COVID-19- ի ապագան դեռ պարզ չէ: Մինչև տարեվերջ պարզ կդառնա, թե կորոնավիրուսով հիվանդացած մարդիկ ինչ տեսակի իմունիտետ են ձեռք բերում հիվանդության հանդեպ, և ինքը՝ հիվանդությունը, ինչ զարգացումներ է ապրում։

«Մեր՝ պատվաստանյութերից կախվածության մեջ գտնվող հասարակությունը երազանքով սպասում է, թե երբ ի վերջո կհայտնվի կորոնավիրուսի պատվաստանյութը։ Եթե վիրուսը շատ չմուտացվի, ապա պատվաստումները կլինեն շատ խոստումնալից: Եթե հակամարմինները երկար տարիներ պահպանվեն, ինչպես, օրինակ, կարմրուկից հետո, ապա պատվաստումներ ընդհանրապես պետք չեն լինի, և մենք կփակենք այս թեման», - պարզաբանել է մասնագետը:

Մանկաբույժը վստահ է, որ մարդիկ կփոխեն իրենց վերաբերմունքը վարակիչ հիվանդությունների հիվանդանոցների նկատմամբ, և իշխանությունները նման համաճարակների առկայության դեպքում կստեղծեն պաշտպանիչ սարքավորումների պահեստներ: Իսկ մինչ այդ, նման հմտությունների պակասը կարող է լինել որոշ մահերի պատճառ COVID-19 ունեցող հիվանդների մոտ:

Ըստ Կոմարովսկու՝ տնտեսության մեջ նույնպես սպասվում են էական փոփոխություններ: Հակաբիոտիկների մեխաքանակ օգտագործման պատճառով դրանք կդադարեն մարդկանց օգնել, իսկ ախտահանիչ միջոցների օգտագործումը կարող է համընդհանուր ալերգիայի պատճառ դառնալ։