«Կոճապղպեղը չի պաշտպանում կորոնավիրուսից»․ ԱՀԿ

Առողջապահության համաշխարհային կազմակերպությունը (ԱՀԿ) կոչ է անում չհրաժարվել կոճապղպեղից, բայց միևնույն ժամանակ չհավատալ դրա արդյունավետությանը կորոնավիրուսների բուժման գործում: Այս մասին չորեքշաբթի օրը հայտարարեց առողջապահության ոլորտում արտակարգ իրավիճակների ծրագրի տնօրեն Մայքլ Ռայանը ճեպազրույցում:
«Կարծում եմ, որ պետք է զգույշ լինել բուժման ավանդական մեթոդներից, որոնց մարդիկ դիմում են, օրինակ՝ մրսածության կամ գրիպի բուժման գործընթացում», - ասել է նա՝ մեկնաբանելով այն փաստը, որ աշխարհում կոճապղպեղի գները բարձրացել են կորոնավիրուսի տարածմամբ․ «Ինչ-որ մեկը նախընտրում է կոճապղպեղը, ինչ-որ մեկն օգտագործում է հատուկ բուսական թեյ: Այն, ինչի շնորհիվ մարդիկ ավելի լավ են զգում կամ համարում են կանխարգելման միջոց, և եթե այն չի սպառնում նրանց առողջությանը, միանշանակ դրական արդյունք է տալիս»: Միևնույն ժամանակ, Ռայանը հորդորել է եզրակացություններ չանել, որ այս գործիքը արդյունավետ է բուժման մեջ:

«Ամբողջ աշխարհում դեղերը փորձարկվում են, - շեշտել է մասնագետը: - Ես խորհուրդ եմ տալիս այն մարդկանց, ովքեր նախընտրելի բուժման մեթոդներ ունեն՝ սամիթ, կոճապղպեղ կամ կիտրոն, շարունակել օգտագործել դրանք, բայց ոչ թե պնդել առանց ապացույցների, որ որոշ դեղեր կարող են բուժել կորոնավիրուսը։ Ներկայումս կորոնավիրուսային վարակի ապացուցված արդյունավետ բուժում չկա»: