Բորիս Ջոնսոնը որդուն անվանել է պապերի և իրեն կորոնավիրուսից բուժող բժիշկների պատվին

Մեծ Բրիտանիայի վարչապետ Բորիս Ջոնսոնի նորածին որդին ստացել է Ուիլֆրեդ Լաուրի Նիկոլաս անունը, շաբաթ օրը Ինստագրամի իր էջում հայտարարել է Բորիս Ջոնսոնի հարսնացուն՝ Քերի Սայմոնդսը։ Նա բացատրել է, որ Ուիլֆրեդ անունը երեխային տրվել է վարչապետի պապի պատվին, Լոռի անունը տրվել է իր պապի պատվին, իսկ Նիկոլաս անունը ստացել է ի պատիվ երկու բժիշկների, որոնք հիվանդանոցում փրկել են վարչապետի կյանքը կորոնավիրուսով վարակվելուց հետո։ Ուիլֆրեդ Ջոնսոնը ծնվել է ապրիլի 29-ի առավոտյան՝ Բորիս Ջոնսոնի ապաքինվելուց և աշխատանքի անցնելուց ոչ շատ ուշ։ Վերջերս Քերի Սայմոնդսն ինքը երկար ժամանակ կորոնավիրուսի կասկածանքով անցկացրել էր անկողնային ռեժիմում։ Ջոնսոնը ներկա էր որդու ծնունդին, բայց որոշեց  դեկրետային իր արձակուրդը հետաձգել՝ հիվանդությունից բուժվելուց հետո վերադառնալով կիսատ թողնված աշխատանքին։ 32-ամյա Սայմոնդսը առաջին անգամ էր մայրացել, բայց 55-ամյա Ջոնսոնը ունի ևս չորս մեծահասակ տարբեր ամուսնություններից։