Հոնկոնգից ԱՄՆ փախուստի դիմած վիրուսաբանը պատմել է «ողջ ճշմարտությունը» COVID-19- ի մասին․ Fox News

Հոնկոնգից ԱՄՆ փախած վիրուսաբան Լի-Մենգ Յանը ամերիկյան Fox News հեռուստաալիքին տված հարցազրույցում ասել է, որ չինական իշխանությունները կորոնավիրուսի մասին տեղեկացված են եղել շատ ավելի վաղ, քան հայտնել են դրա մասին։ Յանը պնդում է, որ 2019 թվականին նա աշխարհում առաջին գիտնականներից մեկն էր, որն ուսումնասիրեց նոր կորոնավիրուսը: Վիրուսոլոգը ասել է, որ իր ղեկավարից՝ ԱՀԿ տեղեկատու լաբորատորիայի դոկտոր Լեո Պյունիից, հանձնարարություն է ստացել ուսումնասիրել հիվանդության դեպքերի մի նմուշ, որը նման է SARS- ին: Միևնույն ժամանակ, նա հայտարարել է, որ իր ընկերը՝ Հիվանդությունների վերահսկման և կանխարգելման կենտրոնի գիտնականներից մեկը, դեռևս դեկտեմբերի 31-ին հայտնել է Չինաստանի իշխանություններին, որ վիրուսը չափազանց վտանգավոր է, և այն կարող է փոխանցվել մարդուց մեկ այլ մարդու։
Ըստ Յանի՝ նրա ղեկավարները անտեսել են շարունակվող հետազոտությունները: Նա նաև պնդում է, որ ԱՀԿ տեղեկանքների լաբորատորիայի համանախագահ, պրոֆեսոր Մալիկ Փեյրիսը տեղյակ է եղել իրավիճակի մասին, բայց որևէ գործողություն չի ձեռնարկել:
Միևնույն ժամանակ, ԱՄՆ-ում Չինաստանի դեսպանատունը Fox News- ին ասել է, որ Յանի մասին նրանք ոչինչ չգիտեն: «Մենք երբեք չենք լսել նրա մասին: Բռնկումից անմիջապես հետո Չինաստանի կառավարությունն արագորեն և արդյունավետորեն արձագանքել է COVID-19- ի հետ կապված իրավիճակին», - ասվում է դեսպանատան հաղորդագրության մեջ: