«Մի՛ վերածվեք գազանների»․ Գարիկ Խարլամովը՝ Բելառուսի կառավարությանը

Հումորիստ Գարիկ Խարլամովը դիմել է Բելառուսի նախագահ Ալեքսանդր Լուկաշենկոյին և կոչ արել դադարեցնել երկրում բողոքի գործողությունների դաժան ճնշումը: Նա նշել է, որ բազմիցս այցելել է Մինսկ, Բրեստ և այլ քաղաքներ և հիացել նրանց մաքրությամբ, և հարգանք է զգացել Լուկաշենկոյի նկատմամբ: Սակայն այժմ նրա վերաբերմունքը բելառուսական իշխանությունների նկատմամբ կտրուկ փոխվել է: «Սա պարզապես անտանելի է», ֊ասել է Խարլամովը: Նա շեշտել է, որ երկրի քաղաքացիները իրավունք ունեն բողոքելու և արտահայտելու իրենց տեսակետը, չպետք է նվաստացնել և ծեծել նրանց, հակառակ դեպքում դա կարող է «շատ վատ վերջաբան ունենալ»: Նա աջակցություն է  հայտնել բելառուսներին և կոչ արել առավարությանն ու անվտանգության աշխատակիցներին «գազանների չվերածվել»:
Ինչպես հայտնի է, Բելառուսում զանգվածային բողոքի ցույցերը սկսվեցին օգոստոսի 9-ին՝ նախագահական ընտրություններից հետո, որում հաղթեց պետության գործող ղեկավար Ալեքսանդր Լուկաշենկոն: Ըստ ԿԸՀ-ի՝ նրա օգտին քվեարկել էր ընտրողների ավելի քան 80% -ը: Չարտոնված գործողությունները խստորեն ճնշվեցին անվտանգության ուժերի կողմից: Ակցիայի մասնակիցների դեմ օգտագործվեց արցունքաբեր գազ, ջրցան մեքենաներ, լուսաձայնային նռնակներ և ռետինե փամփուշտներ: Արդյունքում՝ զոհվեց երկու ցուցարար, հազարավոր ցուցարարներ ձերբակալվեցին, որոնց սպառնում է 8-15 տարվա ազատազրկում։ Բելառուսում այս պահին բողոքի ալիքը մարել է։