Գորբաչովը մատնանշել է Լուկաշենկոյի սխալը

Խորհրդային միության նախկին նախագահ Միխայիլ Գորբաչովը սխալ է համարում Բելառուսի նախագահ Ալեքսանդր Լուկաշենկոյի՝ արդյունաբերական ձեռնարկությունների աշխատողներին աջակցության խնդրանքով ուշացումով դիմելու փաստը։ Նա հավելել է, որ ինքը նույնպես ԽՍՀՄ գոյության ավարտին այդ նույն խնդրանքով դիմել է ձեռնարկությունների աշխատակիցներին։ «Մենք չենք ստացել անհրաժեշտ աջակցությունը: Սակայն ես հակված չեմ մեղադրելու աշխատողներին», - խոստովանել է Գորբաչովը: Նրա կարծիքով՝ Բելառուսի իրադարձություններում զգացվում է դրսից ազդեցությունը: Գորբաչովը նաև հայտնել է, որ հեռացել է Սովետական ​​Միության նախագահի պաշտոնից՝ «պառակտման և ներքին պատերազմից խուսափելու համար»: