«Ես այլևս չեմ ուզում ֆրանսիացի լինել, ես նախընտրում եմ Ռուսաստանը և Պուտինին»․ Ժերար Դեպարդյե

Փարիզի ոստիկանությունը կանգնեցրել է հարբած վիճակում մոտոցիկլ վարող ֆրանսիացի դերասան Ժերար Դեպարդյեին և արձանագրություն կազմել, հայտնում է Point ամսագիրը։ Ոստիկանությունը ամսագրին հայտնել է, որ դերասանը դուրս է եկել սահմանային գծից դուրս և անցել կարմիր լուսացույցը: Ոստիկանները անգամ չեն ենթադրել, որ հարբած վարորդը հայտնի կինոաստղն է, պահանջել են գնալ կոմիսարիատ և ալկոհոլային թեստ հանձնել, ինչը դրական արդյունք է ցույց տվել։ Երբ տղամարդը հանել է իր սաղավարտը, իրավապահները հասկացել են, որ Դեպարդյեն կանգնած է իրենց առջև: Ոստիկանությունը բերման է ենթարկել Դեպարդյեի մոտոցիկլը։ «Ես այլևս չեմ ուզում լինել ֆրանսիացի։ Ես նախընտրում եմ Ռուսաստանը և Վլադիմիր Պուտինին»,֊ կոմիսարիատում ասել է Դեպարդյեն։ Ի դեպ, առաջին անգամը չէ, որ նստում է ղեկին ալկոհոլային ազդեցության տակ: Մասնավորապես, 2013 թվականին Ֆրանսիայի դատարանը դերասանին դատապարտեց չորս հազար եվրո տուգանքի՝ հարբած վիճակում ավտոմեքենա վարելու համար, և վեց ամսով զրկեց ավտոմեքենա վարելու իրավունքից: