«Ուրիշ աշխարհ, որտեղ անիրականը դառնում է իրական, անկարելին՝ կարելի». Անահիտ Կիրակոսյան

Դերասանուհի Անահիտ Կիրակոսյանը թատրոնի միջազգային օրվա առիթով գրառում է կատարել։ Նա իր միկրոբլոգում ներկայացումների ընթացքում արված լուսանկարներ է տեղադրել ու գրել․

«Թատրոն... ուրիշ աշխարհ, որտեղ անիրականը դառնում է իրական, անկարելին՝ կարելի, երեւակայելին՝ թույլատրելի, անվերջ ստեղծագործելու եւ արարելու յուրահատուկ տուն, որ չի ծերանում՝ ունենալով դարերի պատմություն... միշտ արդի, միշտ նոր, շնորհավոր տոնդ, կախարդական թատրոն։ Թատրոն, ԻՄ ՍԵՐ»։