Ռուսաստանում ընտանի կատուն կծել է տիրուհուն, ինչի արդյունքում՝ կինը մահացել է
Համաշխարհային Մամուլ
ՌԴ Վոլգոգրադի շրջանի բնակչուհին մահացել է այն բանից հետո, երբ նրան կծել է իր ընտանի կատուն, РИА Новости- ին հայտնել են մարզային առողջապահական կոմիտեից:
Նախարարության տվյալներով՝ մարտի կեսերին Վոլգոգրադի 60-ամյա բնակչուհին գնացել էր տեղական հիվանդանոց՝ կորոնավիրուսային վարակի կասկածանքով: Բայց բժիշկները, նրա վիճակից ելնելով, եզրակացության են հանգել, որ նա հիվանդ է «կատաղությունով», և նրան ուղարկել են տարածաշրջանային ինֆեկցիոն հիվանդանոց: «Մարտի 25-ին, չնայած բժիշկների բոլոր ջանքերին, հիվանդը մահացել է», - հայտնել են տարածաշրջանային առողջապահության վարչությունից:
Գործակալության զրուցակցի խոսքով՝ համաճարակաբանական հետաքննության ընթացքում պարզվել է, որ կինը տնային կատու ունի: Եվ ահա, մեկուկես ամիս առաջ կատուն կծել է նրա աջ նախաբազուկը, բայց կինը չի դիմել բուժօգնություն ստանալու համար: «Հիվանդի խոսքով՝ կատուն սպանվել է իր ագրեսիվ պահվածքի պատճառով», - ասել են շտապօգնության բաժանմունքից: Ըստ մարզային առողջապահության վարչության՝ ամենայն հավանականությամբ, ընտանի կենդանին կատաղություն է ձեռք բերել վայրի աղվեսից, որը երբեմն նկատվում էր բակում: Ինչպես հայտնի է, կատաղության ինկուբացիոն շրջանը կարող է տատանվել մի քանի օրից մինչև երեք տարի:
Ամենադիտված 
Մնաս բարյավ. Րաֆֆի Հովհաննիսյան
